Amlíne agus próiseas rátála

Amlíne an Ghradaim

10-11 Meitheamh 2024
Cruinniú de Choiste Roghnúcháin LUX chun na cúig scannán atá le hainmniú do Ghradam Lucht Féachana LUX 2025 a phlé agus a roghnú
 

18 Meán Fómhair 2024
Fógairt na gcúig scannán ainmnithe i bParlaimint na hEorpa in Strasbourg
 

Meán Fómhair 2024 - Aibreán 2025
Taispeáintí de na scannáin ainmnithe le linn na tréimhse ‘Féach, Rátáil agus Buaigh’
 

Aibreán 2025 (dáta le deimhniú)
Searmanas Bronnta Ghradam Lucht Féachana LUX – fógairt an bhuaiteora ag an searmanas i bParlaimint na hEorpa. 
 

Próiseas rátála

Is féidir leis an lucht féachana gach ceann de na cúig scannán ainmnithe a rátáil ón 18 Meán Fómhair 2024 go dtí mí Aibreáin 2025 ar Ardán Rátála LUX. Beidh Feisirí de Pharlaimint na hEorpa in ann vótáil trí leathanach rátála tiomnaithe de chuid na hinstitiúide. Is féidir rátálacha a athrú chomh minic agus is mian leat go dtí deireadh na tréimhse rátála. Ní chuirfear san áireamh ach an rátáil dheireanach amháin.

Is féidir leis an bpobal agus le Feisirí de Pharlaimint na hEorpa araon na scannáin a rátáil ar líne. Buafaidh an scannán a gheobhaidh an scór iomlán is airde, arna rátáil ag an bpobal agus ag Feisirí (meáchan rátála comhionann de 50% an ceann) Gradam Lucht Féachana LUX. Fógrófar an buaiteoir ag Searmanas Ghradam Lucht Féachana LUX in Aibreán 2025 i bParlaimint na hEorpa (dáta le deimhniú).