Tá cúig scannán ar an ngearrliosta do Ghradam Lucht Féachana LUX 2025. Tapaigh an deis agus roghnaigh buaiteoir Ghradam Lucht Féachana LUX: rátáil na cúig scannán ó réalta amháin (lag) go cúig réalta (thar barr).
Déan an rátáil faoi 27 Aibreán 2025 agus ná caill an deis duaiseanna éagsúla a bhuachan. Ina measc, tá cuairt ar Pharlaimint na hEorpa chun freastal ar Shearmanas Ghradam LUX ar 29 Aibreán 2025 agus bualadh le stiúrthóirí agus criúnna na scannán ainmnithe.
Íoslódáil an beartas cosanta sonraí d’ardán rátála LUX.
Lean an Searmanas Dámhachtana Lucht Féachana LUX 2025 beo Dé Máirt, an 29 Aibreán ag 18:00 CET ó Hemi-chruinne an Pharlaimint Eorpaigh sa Bhruiséil.
Nuacht is déanaí
Eolas mar gheall ar an ngradam
Bronnann Parlaimint na hEorpa agus Acadamh na Scannán Eorpach Gradam Lucht Féachana LUX gach bliain, i gcomhpháirt leis an gCoimisiún Eorpach agus Europa Cinemas. Ceiliúrann an gradam scannánaíocht na hEorpa agus na haidhmeanna atá aici chun dul i ngleic leis an bpobal Eorpach i gcoitinne agus plé a dhéanamh ar ábhair thábhachtacha shochaíocha ar léiriú iad ar ár gcomhluachanna Eorpacha, amhail an daonlathas, an smacht reachta, an t-iolrachas agus an tsaoirse chun tuairimí a nochtadh.
Cá háit chun féachaint ar na scannáin ainmnithe
Eagraíonn Parlaimint na hEorpa taispeáintí saor in aisce i ngach Ballstát. Ina theannta sin, is féidir leat féachaint ar an scannán/na scannáin trí fhreastal ar thaispeáint tráchtála i bpictiúrlann i do cheantar.
A bhuí le tionscadal Ghradam Lucht Féachana LUX, cuirtear fotheidil ar gach ceann de na cúig scannán ainmnithe i 24 theanga oifigiúla an Aontais.
Cliceáil ar an scannán le haghaidh tuilleadh eolais faoi na dátaí taispeána atá ar fáil agus lean sinn ar Instagram agus Facebook chun na scéalta is déanaí a fháil.
Tuilleadh eolais i dtaobh cá háit chun féachaint ar na scannáin ainmnitheAn Clár um Thallann Óg
Bhí cur chun cinn chomhluachanna na hEorpa agus na héagsúlachta cultúrtha i measc na hóige ina thosaíocht i gcónaí ag Parlaimint na hEorpa.
Roghnaíonn Parlaimint na hEorpa agus Europa Cinemas gairmí óg amháin in aghaidh gach tíre de chuid an Aontais Eorpaigh trí phróiseas iarratais oscailte.
Comhpháirtithe
BÍ PÁIRTEACH SA PHOBAL!
Is pobal é lecheile.eu de dhaoine a chreideann sa daonlathas agus ar mian leo fíorbhrí a thabhairt dó agus na chéad toghcháin Eorpacha eile ag druidim linn. Nascann sé daoine ó gach cearn den Eoraip ionas gur féidir leo bualadh le chéile, eolas a roinnt agus scileanna nua a fhoghlaim, agus daoine eile a spreagadh ag an am céanna chun vóta a chaitheamh in 2024. Cláraigh anseo chun a bheith rannpháirteach— dá mhéad daoine a chaitheann vóta is ea is láidre a bheidh ár ndaonlathas!
